jæja þá er komið aððí! Erum að leggja í'ann til Rómar í þetta veður! Einstaklega veðuróheppin.. Alltaf gott að eiga thá að ef mann vantar "alternative" veður.. Bjargaði geðheilsunni forðum tíð er beðið var eftir brúðkaupsdegi og svei mér þá ef það rættist ekki úr öllu saman ;)

2005 myndirnar eru komnar. tjekkitát

Stórsigur! "Earthquakes descaled" greinin hefur verið samþykkt og mun komast í prent á vori komandi sem "physical review letter". Látið mig vita í kommentalista ef þið viljið sérprent. (oh hva ég er mikil pæja..)

Hélt þetta myndi aldrei taka enda.. Er búin að liggja með 39 stiga hita í 5 daga og nú á sjötta degi virðist vírusinn hafa gefist upp. Pálmi tók við heimilisrekstri og barnalyftingum á meðan ég svaf og gat ekki einu sinni munað hvar ætti að leggja barnið næst.

Jón Logi er svo spakur. Dæmigerðar samræður:

Jón: "Mamma, mér stendur á sama!"
ég: "Nú já!"
Jón: "Já, ég held nú síður!"
----------------------------------
Jón: "Pabbi, það er dimmt í herberginu mínu"
Pálmi: "Viltu þá ekki kveikja ljós?"
Jón: "Má ég gera það?"
Pálmi: "Já, auðvitað!"
Jón: "Ó, þakka þér fyrir!"

og nú er ég lasin. Shit hvað mér er illt

Jón veiktist um leið og ég fór til Gautaborgar. Var með 38-39 stiga hita í viku. Sama dag og Jón varð hitalaus blossaði hitinn upp hjá Baldri. Fyrsta skiptið sem hann er veikur með hita. Jesús hvað hann er búinn að vera lítill og vælinn.. ÉG er búinn að vera eins og ræfill eftir svefnlitlar nætur. Auk þess er ég búin að hanga inni síðan ég kom heim frá Gautaborg. Langar í ljós og leikfimi og er farin að þrá að hitta eitthvað fólk. Þorrablót Íslendingafélagsins á laugardaginn! jibbý.. Áhugi svo lítill að ákveðið var að halda það í heimahúsi. Sýnist þetta vera sama fólk og var í lækna-jólaboðinu.

ER með viðskiptahugmynd. Ef ég fæ enga vinnu við að greina skjálftagögn eftir 3 og hálft ár þá opna ég barnafatabúð með heimasaumuðum skærlita seventees plöggum! Strákarnir mínir eru aldrei fínni en þegar þeir eru í gömlu fötunum sem mamma saumaði á mig á sínum tíma!

Jón Logi ELSKAR Múmínálfana! Við keyptum Múmínálfakex um daginn sem væri ekki í frásögur færandi nema vegna þess að Jón harðneitar að borða þá. Hann leikur sér með þá í staðinn. Kallarnir brotna eðlilega og þá kemur snáði hlaupandi með döpur hvolpaaugu og biður okkur um að líma. Jón tók álfana meiraðsegja með sér í bað um daginn þrátt fyrir ítrekaðar aðvaranir foreldra. Stóri strákurinn minn grét þegar hann horfi upp á elsku Múmínálfana sína bráðna og leysast upp í höndunum á sér. Þannig hefur gengur á kexið í eldhússkápnum og nú er það búið..
Lukkuðustu innkaupin í Gautaborg voru því án efa Múmínálfafígúrur úr plasti sem geta farið í bað og brotna ekki á nóttinni í rúminu!

Gjörningur við Kattegat tókst vel ;) Eitthvað svo geggjað við það að vera í systra hópi. Engar hömlur. Allt sagt sem þarf að segja. Enginn í neinum stellingum og oft þarf maður ekki einu sinni að klára setningarnar. Þær skilja. Hlógum mikið og knúsuðumst. Settum á okkur sama glossið á morgnana, sjoppuðum og héngum á kaffihúsum. Yndischlegcht! Vantaði bara sykursætu Geju :) Fengum sitthvort kvöldið til að spreyta okkur í eldhúsinu. Hilla brúnaði grískar kjötbollur, múa sauð græna væna og Eggala fæddi risotto.

er endurnærð. takk stelpur!