johnny logan:"Bless prinsessa!"
mamman:"oh þú ert svo mikið krútt, ert þú Shrek?"
Johnny: "Nei, ég er álfkonan góða"
mamman:"En pabbi?"
Johnny: "Hann er Draumi!"

Eldri sonur minn alveg á kafi í Shrek2! Dettur oft inní sögur. Sá yngri er líka farin að spjalla.

Balli beuty: "AAghhaaa"
mamman: "a gúsígúsígúsígúss!"
Balli: "Aaghhaagggú"
mamman: "aaa við litla badnið"
Balli: "aaaghhúúú!" Líka stundum skrifað og sagt: Álfrún!

Stappað í kirkjunni í gærkveldi á "Jauchzet frohlocket". Gott stykki. Baldri virtist líka það bara vel. Tókst að slaka vel á. Ég var ekki nógu ánægð með sólistana. Intónasjónin ekki í lagi. Dressin voru heldur ekki nógu góð.. en Bach kemur manni vissulega í jólaskap!

Skulda ykkur eina úlfasögu. En hún verður að bíða. Alltof mikið að gera í vinnunni.. Reyni að grípa í stratókasterinn í kaffipásum. "Ég vakna oftast þreyttur, varla með sjálfum mér.." og svo "..Bátarnir lágu tómir við kajann í kinnungunum söng!" Lofa að koma sterk inn í næsta gítarpartýi. Hvernig var þetta annars með blúshringinn? Er hann alveg kominn úr tísku?

Það vantar spýtur og það vantar sög! Bíllinn á síðasta snúningi.. Svo er ég orðin hundleið á þessum hringstiga hérna fyrir framan íbúðina. Alveg glatað að vera alltaf að dröslast með vagninn hérna upp og niður (farþegalausum NB!). Íbúðin líka í það minnsta fyrir okkur 5 sem bara stækkum.. En plís ekki segja neinum í Afríku frá þessu væli í mér!

Haldið ikki að ég hafi látið gabba mig enn og aftur útí félagsmál..

Hvaða týpa er ég, þú?
Hef verið að velta því fyrir mér hvort það standi hippi á enninu á mér! Einhverja hluta vegna þá finnst fólki sem veit ekki að ég var í MH, lærði á hljóðfæri og klæddist gömlum fötum fyrir 10 árum, alveg afleitt að ég skuli klæðast ekta pels, "ég hélt ekki að ég myndi sjá ÞIG í ekta kanínupels!"! Hvað þá að ég hafi verið aktíf í stúdentapólitík fyrir hægri sinnaða. Nehhei, þykir ekki fara mér vel..

Djöfull getur maður verið mislukkaður.. Hélt matarboð í gær, tja þetta var eiginlega ammæli fyrir Jón með sænska genginu. Hangikjöt, uppstúf og grænar baunir. Til vara eldaði ég kjúklingabringur, kartöflugratín og grískt sallat. Sumir smökkuðu á hangiketinu, aðrir ekki. Of feitt, of salt, of reykt. Að málsverð loknum tók ég eftir að einhverjir höfðu leift kjúklingi sem var semsagt ekki nógu steiktur! Fékk hrós fyrir sallatið.. Fékk leyfi til að bjóða krökkunum uppá íspinna. Fór inní barnaherbergi og gaf. Gestirnir störðu og spurðu hvort mér væri alvara að leyfa þeim að borða ísinn innanum allt dótið. Sumir sóttu börnin sín og skipuðu þeim að setjast inní eldhús. Þegar foreldrarnir sáu ísinn fengu þeir sjokk, því hann var OF skrautlegur, of góður.. Var pínu leið þegar gestirnir voru farnir. Ekkert hafði hitt í mark hjá mér.

Í morgun blasti við okkur vetrarland. Allt á kafi í snjó. Jafnfallnir einir 30 cm og enn snjóaði! Hafði mælt mér mót í öpna förskolen (fyrir heimavinnandi foreldra til að kynnast og fyrir börnin þeirra til að fá almennilegt barnaáreiti) en týpan hringdi á síðustu stundu og sagðist ekki treysta sér. Of mikill snjór. Ég dreif mig þrátt fyrir það. Nokkrir krakkar, tvær ungar mömmur sem voru að teikna og hlægja saman, ein feit mamma sem fór beint að borða ótrúlega sjabbí fíku sem ég hafði ekki nokkra lyst á. Fann mér blað Vi Föräldrar og las án þess að nokkur yrti á mig í klukkutíma eða þangað til söngstundin byrjaði. Nokkuð skemmtileg fóstra galdraði allskyns dótarí uppúr stórum sekk og svo sungum við viðeigandi lög, um apa, stjörnu, jólasvein o.s.frv. Ákvað að best væri að hætta leik meðan hæst stæði þ.a. við kvöddum og drifum okkur út. Á útleið var mér litið í spegil og sá sjálfa mig með AlisKúper maskarann yfir hálft andlitið eftir snjókomu morgunsins.. No wonder!

Jón Logi: "J-ó-N, JÓN! M-S-C, ÁLFRÚN!" ..þetta er allt að koma

ég á AMMLILI í dag! Fékk morgunmat í rúmið :) Kertaljós og söng mm.. og geisladisk með Hugo Alfvéns og OG og ratleikurinn hófst!!!! Fyrsti pakkinn í ratleiknum var með sexkanti og tjaldhæl (?!) Annar pakkinn var með snúru með jackplöggum á hvorum enda (hmm..) Síðasti pakkinn var svo stór að ég sá hann ekki...

Ég á æðislega vinkonu, Fíu Fender. Hvernig líst ykkur á að ég verði Stína Stratocaster?


Eftir 40 mínútna langt gítarsóló opnaði ég dömulega pakka frá Svövu og annan frá systrum mínum. Fékk æðislega eyrnalokka og sjúklega flotta nælu. Semalíusteinar alltum kring! Hildur og Gerður gáfu mér Chanel varó og augnskugga.. Haldið´að sé nú!!! watch out -

Maður er nefndur. Hinn hugrakki, djarfi, fagri og ljósi áss _ _ _ _ _ _

Svíar hætta ekki að koma á óvart! Pabbi verður sjötugur á sunnudaginn og að sjálfsögðu langar okkur út að borða á einhvern af betri stöðum bæjarins. Haldiði að við höfum ekki komist að því að þeir eru allir lokaðir á sunnudögum!

Eldgos á Íslandi! Vildað ég væri jeppakall, jamm eða bara jeppakelling á Íslandi í dag. Myndi bruna austur og hleypa úr og keyra nær og nær. Alveg þangað til ég fengi þessa yfirþyrmandi tilfinningu yfir að vera svona lítil og máttlaus. Þá loks yrði mér fullnægt.
Í staðinn sit ég bakvið alltoflítinn tölvuskjá og fæ staðfest að Ómar og Magnús Tumi fengu sína sprautu í dag. Fæ ekkert útúr svoleiðis klámi. Þetta æsir mig miklu meira:
(kópíræt Veðurstofan)